HádegisSalat

Ég vil byrja á að þakka ykkur fyrir góðar viðtökur!
Ég á ekki til orð yfir það hversu glöð ég er með þetta :)

Ég elska að fá mér salat í hádeginu í þessu salati eru tvær lúkur af spínati, 2 "scrambled eggs", 

smá sæt íslensk paprika, rifin gulrót og avocado. 

Gulrótar og Sætkartöflusúpa

Uppskrift: 

1 laukur

2 hvítlauksgeirar

4 cm engiferrót
1/2 - 1 rautt chilli

1 líter vatn

grænmetiskraftur

600 gr gulrætur

1 sæt kartafla

Salt og pipar

1. Látið góða msk af olíu í pott og steikið lauk, engifer og chilli, hvítlauknum er svo bætt við. 

2. hellið vatninu útí ásamt grænmetistening og 

leyfið suðunni að koma upp. 

3. Bætið gulrótum og sætri kartöflu út í og sjóðið þar til grænmetið er orðið mjúkt. 

4. Þá á að mauka súpuna saman, ég nota töfrasprota en það er líka hægt að nota matvinnsluvél. 

5. í lokin má bæta við vatni þar til súpan er orðin eins og þið viljið hafa hana og salt&pipar eftir smekk. 

Gott er að gera súpuna fram með grískri jógurt fyrir þá sem vilja ekki hafa hana of sterka :) 

Verði ykkur að góðu

- Ásta

Fyrir og Eftir myndir

Það er ágætt að rifja nógu oft upp hversu langt maður 

hefur náð með því að skoða gamlar myndir 

því það er ótrúlegt hvað maður er fljótur að gleyma. 

Setti saman myndir frá 2011 og 2012.

Allt er hægt ef viljinn er fyrir hendi :) 

Bestu kveðjur, 

Ásta

Mangó Ís

Þessa uppskrift fékk ég frá Lilju sem vinnur með mér :)
Þetta er of gott til að vera satt! 

Uppskrift:
1 banani
2 bollar frosið mangó
200 ml hrísmjólk (eða önnur mjólk)

- öllu skellt í blender, eða mauka með töfrasprota 

svo er gaman að setja þetta í fallega skál eða glas og borða með skeið :)

Verðu ykkur að góðu!
- Ásta

Bláberjaskyrkaka

Í gærkvöldi ákvað ég að búa til skyrköku úr því sem til var á heimilinu og heppnaðist svona líka vel! 

Það er ekkert smá gaman að vera í tilraunastarfsemi með þessi yndislegu íslensku bláber :) 

Uppskrift: 

Botn: 

100 gr möndlur

50 gr heslihnetur

50 gr Tröllahafrar

- hakka gróft í matvinnsluvél og setja í skál

1dl kókosmjöl

1 tsk kanill

- blanda þessu saman við

3 msk agavesýróp

- setjið agavesýrópið síðast og hrærið vel þannig blandan verður örlítið klístruð

Ofaná:
1 litil dós skyr.is vanillu

3 dl bláber

- mauka bláberin við skyrið

1 peli rjómi

- þeyta rjóman og bæta svo bláberjablöndunni við hann, hræra vel og smyrja ofan á botninn. 

Setjið í kæli í 1 klst og borðið með bestu lyst :) 

Verði ykkur að góðu

- Ásta

Frosin vínber

Skelltu vínberjum í frysti og búðu til yndislegt kvöldsnarl !

Þetta verður eins og brjóstsykur

mmmm svo gott :)

Njótið vel! 

-Ásta 

ÁvaxtaSalat

Þetta er uppáhalds desertinn minn þessa dagana

Sniðugt og fljótleg lausn ef þú átt von á gestum :) 

í þessi Salati eru bláber, jarðaber, epli, 

appelsína, melóna, vínber og pera. En það er algjörlega hægt að nota hvaða ávexti sem er verður alltaf gott..!

Skera allt smátt og skella í eina stóra skál og hræra saman.

Þetta bragðast mjög vel eitt og sér, einnig er líka hægt að hafa rjóma með eða bera fram með uppáhalds hrákökunni ykkar. 

Verði ykkur að góðu! 

- Ásta

Græna þruman

Þessi er alltaf jafn góður!

2 lúkur af spínati

Banani

Mangó
Smá eplasafi
Vatn
1 msk chia fræ
2 cm engifer smátt skorið

Öllu blandað saman og drukkið með bestu lyst!

Afsakið bloggleysið er búin að vera í smá fríi 

en kem sterk inn núna :) 

Bestu kveðjur, 

Ásta

13. júní

Ár síðan ég breytti um lífstíl !

Tíminn flýgur! :)

-Ásta

Spari hafragrautur

1 dl tröllahafrar

2 dl vatn 

(ég vil hafa hann þykkan, 3 dl ef þið viljið það ekki) 

- sjóða í c.a. 5 mín 

Hálfur banani og jarðaber útá

- Ásta

HUMMUS

Uppskrift: 

2-3 dl kjúklingabaunir

1 msk tahini (sesammauk)

4 hvítlauksrif - pressuð

1/2 dl sítrónusafi

1/2 dlólífuolía

salt

malaður pipar

cummin eftir smekk

- öllu skellt í matvinnsluvélina eða maukað með töfrasprota. 

Himnerskt ofan á hrökkbrauð ég fæ mér stundum sesam hrökkbrauðið frá Burger (grænn pakki) 

Verði ykkur að góðu

- Ásta

SumarSalat

Litríkt og ljúffengt!

Í þessu salati er: klettasalatblanda, avocado, radísur, mangó, rauð paprika, furuhnetur og fetaostur! 

Afsakið bloggleysið! Ég er með fullt af flottum myndum og uppskriftum sem munu koma inn á næstu dögum. 

Takk fyrir allar heimsóknirnar! án þeirra væri ég ekki að þessu og ekki hika við að senda mér línu :) 

- Ásta

10 MÁNUÐIR

Það er ótrúlegt hvað tíminn líður !

Smá upprifjun.. svona var ég fyrir 10 mánuðum..

og svona var ég í morgun..

Já enn og aftur klikkaði ég á förðun og hárgreiðslu og jafnvel brúnkukreminu ?! 

En ég er lítið fyrir svoleiðis sparsl áður en ég tek morgunæfingu.. 

-25kg 

Ef ég gat þetta Þá getur þú það! 

Byrjaðu strax í dag :) 

Eigið góðan dag! 

- Ásta

kjúklingabringa og franskar

Ofnbökuð kjúklingabringa: Kjúklingabringurnar eru settar í eldfast mót, blanda kryddblöndu í skál (tandori, cummin, kanil,) - þið getið notað það sem ykkur líkar. Setti 1 tsk agave sýrópi og 2 msk olífuolíu og hrærði saman. Penslaði svo bringurnar með kryddblöndunni. Gott að láta standa í smá stund. Síðan er þeim skellt inn í ofn í 40 mín á 180°C

Franskar: 1 stórbökunar kartafla skorin í strimla (ekki of stóra - þá er hún lengur að bakast) Skar svo 1 rauðlauk niður. Smá ólífuolía yfir ásamt salti, pipar og kartöflukryddi. Kartöflurnar eru bakaðar á 180°c í klst eða meira. Stingið í þær og finnið þegar þær eru tilbúnar.

Borið fram með salatblöndu og feta osti. 

Verði ykkur að góðu! 

-Ásta

HveitikímsPizza með spínati og sætum kartöflum

Hveitikímspizza uppskrift HÉR ! 

Á þessari er, hunts pizza sósa, pizza ostur, spínat, sætarkartöflur, 

rauðlaukur, sveppir, paprika og fetaostur.. 

..mmmmm.. 

Verði ykkur að góðu! 

- Ásta

Kjúklingasalat

 

Ég elska að gera hádegis-kjúklingasalat úr afgangskjúlla 

frá því úr kvöldmatnum deginum áður. 

Í þessu salati er spínat, klettasalat, avocado, paprika, gúrka, kjúklingabringa og fetaostur.

algjör snilld! 

- Ásta 

Súkkulaðikaka með banana

 Ég prófaði að gera súkkulaðikökuna um daginn og ég bætti við þunnum banana sneiðum ofan á kökuna áður en ég 

lét kremið yfir og svo allt inn í frysti! 

Það kom virkilega vel út :)

Uppskrift af súkkulaðikökunni er: HÉR ! 

Það er mjög sniðugt að eiga svona köku inn í fyrsti og svo er hægt að brjóta smá og smá af henni ef manni langar í e-ð sætt

- Ásta

Föstudagspizzan..

 ..slær alltaf í gegn ! mmm

á þessari er hunts pizzasósa, ostur, spínat, rauðlaukur, 

paprika, sveppir og fetaostur..

Þetta er miklu auðveldara en það lítur út fyrir að vera, ótrúlega fljótlegt, þæginlegt og virkilega bragðgott!
Hvet alla til að prófa :) 

Uppskrift: Hér

Verði ykkur að góðu! 

-Ásta

TúnfiskSalat

Ég er alveg sjúk í túnfisksalat og get því borðar þetta svona eitt og sér í hádegismat með bestu lyst einnig er þetta 

tilvalið sem Hollari útgáfa af Túnfisksalati ofan á hveitikímsklatta eða hrökkbrauð. 

Uppskrift: 

1 dós Túnfiskur í vatni

1 soðið egg

3 stórar msk kotasæla (bætið við eftir þörfum)

Rauð paprika

Rauðlaukur 

- Hrærið öllu saman og njótið vel :) 

- Ásta

SúkkulaðiShake

Uppskrift: 

3 dl Léttmjólk / Hrismjólk / Soja eða það sem hentar þér

1 banani

1 msk lífrænt kakóduft

1 góð tsk hnetusmjör

1/2 dl haframjöl 

Klakar

- Öllu skellt í blender og drukkið með bestu lyst :) 

- Ásta